Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Лукашэнка ўручыў ордэн Францыска Скарыны галоўнаму рэдактару газеты "Советская Белоруссия" Паўлу Якубовічу, паведамілі "Інтэрфаксу" ў аўторак у прэс-службе кіраўніка дзяржавы. "Розных узнагарод удастоеныя таксама іншыя прадстаўнікі творчага калектыву "СБ", паведамілі ў прэс-службе.
Там таксама паінфармавалі, што за высокае прафесійнае майстэрства, значнае асабістае ўкладанне ў развіццё нацыянальнай культуры і мастацтва медалём Ф.Скарыны ўзнагароджаны артыст Нацыянальнага акадэмічнага тэатра імя Янкі Купалы Вячаслаў Паўлюць.
Ганаровае званне "Заслужаны артыст Беларусі" прысвоенае спявачкам Іне Афанасьевай і Ірыне Дарафеевай, вядучым майстрам сцэны Нацыянальнага акадэмічнага Вялікага тэатра балета Вользе Гайко і Людміле Кудраўцавай, вядучаму майстру сцэны Нацыянальнага акадэмічнага драматычнага тэатра імя Якуба Коласа Вячаславу Грушову, паведамілі ў прэс-службе.
А.Лукашэнка таксама ўручыў ордэн Дружбы народаў Генеральнаму сакратару Арганізацыі Дамовы аб калектыўнай бяспецы Мікалаю Бардзюжы і лётчыку-касманаўту, рэферэнту амбасады Беларусі ў Расеі Пятру Клімуку.
Па словах Лукашэнкі, гэтай узнагароды яны ўдастоеныя за значнае ўкладанне ва ўмацаванне дружалюбных стасункаў і супрацоўніцтва паміж дзяржавамі-сябрамі ОДКБ.
