Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пра гэта ён заявіў у інтэрв’ю газеце “Знамя юности” напярэдадні 5-гадовага юбілея арганізацыі.
Журналістка выдання спытала першага сакратара Мінскага гарадскога выканкама Беларускага рэспубліканскага саюза моладзі Вадзіма Гігіна пра ягоных ўлюбёных гістарычных персанажаў. Ён назваў Актавіяна Аўгуста, дэ Голя, Пятра Першага. А яшчэ галоўны мінскі БРСМавец вылучыў дзеяча, які ў гісторыі Беларусі пакінуў чорны след:
“Может, несколько нестандартный выбор, но мне всегда импонировал виленский генерал-губернатор Михаил Николаевич Муравьев, который больше известен тем, что подавил восстание 1863 года. Но я хорошо изучил его биографию. Это удивительный человек, администратор, управленец, который может служить примером для любого государственного деятеля”.
Як нагадвае «Радыё Рацыя», у Беларусі яго называлі і называюць Мураўёў-Вешальнік. Такую мянушку ён атрымаў пасля адказу на адно пытанне. Калі Міхаіл Мураўёў стаў на чале Гродзенскай губерніі, у яго запыталі пра тое, ці не сваяк ён павешанаму “дзекабрысту” Мараўёву-Апосталу. Адказ быў такі: я паходжу не з тых Мураўёвых, якіх вешаюць, а з тых, хто вешае. Вядомы ён і выслоўем "Что не доделал русский штык — доделает русская школа".
Цікава, што днямі з’явілася інфармацыя пра тое, што БРСМ і мінскія ўлады распрацоўваюць праект “па выхаванні грамадзянскай самасвядомасці моладзі” сталіцы.
