Мілінкевіч сустрэўся з Квасьнеўскім :: Хартыя'97 :: Навiны

Выступам перад маладымі лідэрамі Еўропы распачаў учора свой афіцыйны візіт на сямнаццатым Міжнародным эканамічным форуме ў Крыніцы Гурскай (Польшча) лідэр двіженія "За Свабоду" Аляксандр Мілінкевіч. Падчас форуму адбыліся двубаковыя сустрэчы Аляксандра Мілінкевіча з былым прэзідэнтам Польшчы Аляксандрам Кваснеўскім, былым прэзідэнтам Кіпра Джорджам Васіліу і віцэ-прэм’ерам Грузіі, дзяржаўным міністрам па еўрапейскай і еўра-атлантычнай інтэграцыі Георгіем Барамідзэ.

Падчас эканамічнага форуму маладых лідэраў у Новым Сончы на панэлі “Еўрапейскія дылемы: бяспека, суседства, ідэнтычнасць” лаурэат преміі ім. А.Сахарава закрануў тэму еўрапейскай ідэнтычнасці Беларусі і яе энергетычнай бяспекі.

- Сустрэча была вельмі цікавая і плённая. Вельмі прыемна, што людзі нават з далёкіх краін цікавяцца Беларуссю, спрабуюць нейкім чынам дапамагчы нашай краіне, - адзначыў Аляксандр Мілінкевіч.

Эканамічны форум маладых лідэраў – гэта партнёрская праграма Эканамічнага форуму ў Крыніцы Гурскай. Гэта месца сустрэчы звыш 180 лідэраў грамадскіх, палітычных, эканамічных арганізацый з краін Еўрапейскага Саюза, Усходняй Еўропы і Паўднёвага Каўказу, якія прыязджаюць у Новы Сонч, каб разам дыскутаваць і абмяркоўваць сучасныя праблемы Еўропы.