Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Актуальныя пытанні міжнароднага гуманітарнага права, датычныя, у прыватнасці, барацьбы з тэрарызмам і абароны культурных каштоўнасцяў падчас узброеных канфліктаў, абмяркуюць удзельнікі міжнароднай канферэнцыі "Міжнароднае гуманітарнае права: новыя выклікі, новыя выпрабаванні". Як паведамілі ў Міністэрстве юстыцыі Рэспублікі Беларусь, канферэнцыя пройдзе ў Менску 6–7 верасня.
У форуме возьмуць удзел прадстаўнікі дзяржаўных органаў, навуковых устаноў, грамадскіх арганізацый Беларусі, Расеі, Украіны, Малдовы і ЗША, а таксама Міжнароднага Камітэта Чырвонага Крыжа.
Арганізатарамі мерапрыемства выступае Камісія па імплементацыі міжнароднага гуманітарнага права пры Савеце Міністраў Рэспублікі Беларусь, якую ўзначальвае Міністр юстыцыі Віктар Галаванаў.
Правядзенне канферэнцыі прымеркаванае да стагоддзя Другой Гаагскай канферэнцыі міру, якая стала знамянальным этапам у развіцці гуманітарнага права.
