Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
"На мой погляд, сітуацыя на "Менскім гадзіннікавым заводзе" можа развівацца ў трох кірунках", – заявіў эканаміст Леанід Заіка ў інтэрв`ю "Эканамічнай газеце".
"Прадпрыемства можа так і застацца ў цяперашнім маргінальным становішчы. У гэтым выпадку яно працягне фармаваць свой бюджэт, здаючы ў арэнду памяшканні ў цэнтры горада. Атрыманне сур`ёзнай дзяржаўнай падтрымкі і захаванне вытворчасці зусім не гарантыя паспяховасці. Мяркую, што канкурэнцыя на ўнутраным рынку з экспартнымі азіяцкімі аналагамі коштам 4 USD за штуку загадзя асуджаная на правал. Перспектыўным мне здаецца іншы варыянт. Заводу варта б было дыверсіфікаваць вытворчасць і пераарыентавацца на сучасную прадукцыю з інфармацыйна-электронным начыннем, то бок, перайсці ў перспектыўную галіну IT", – лічыць эканаміст.
"Які з гэтых варыянтаў выбраць, вырашаць, вядома, спецыялістам… Але дрэнна, калі яны не бачаць стратэгічнага тупіку захавання сённяшняй накіраванасці ў вытворчасці. Нават знешнія інвестары не выправяць становішча. Знайсці жадаючых укласці грошы ў завод можна, але, самае верагоднае, іх зацікавяць памяшканні ў цэнтры горада, а не вытворчасць гадзіннікаў пад гандлёвай маркай "Луч", – лічыць Заіка.
