Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
7 верасня першаму віцэ-спікеру Вярхоўнага Савета Беларусі 13 склікання, старшыне Цэнтральнай выбарчай камісіі Віктару Ганчару спаўняецца 50 гадоў. Палітык бясследна знік у Менску 16 верасня 1999 года. Разам з сваім сябрам, бізнэсмэнам Анатолем Красоўскім Ганчар вяртаўся дадому. Ледзь пазней на меркаваным месцы выкрадання – вуліцы Фабрычнай – былі знойдзеныя аскепкі шкла аўтамабіля і кроў выкрадзеных.
У траўні 1999 года Ганчар, як было загаданае Канстытуцыяй, арганізаваў кампанію па выбарах прэзідэнта Беларусі, сарваную ўладамі. У ліпені 1999 года Ганчар абвясціў пра заканчэнне тэрміна легітымнага прэзідэнцкага кіравання Аляксандра Лукашэнка. Некалькімі гадамі раней Віктар Іосіфавіч прымаў актыўны ўдзел у працы Вярхоўнага Савета падчас канстытуцыйнага крызісу 1996 года. Яго дзеянні ў апазіцыі і заахвоцілі цяперашнія ўлады выкрасці актыўнага апанента, упэўненыя сваякі і сябры зніклых. Дагэтуль патрабаванні расследавання знікнення Ганчара і Красоўскага фігуруюць у розных дакументах міжнародных арганізацый і структур.
