Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На складах прадпрыемстваў канцэрна "Белнафтахім" на 1 ліпеня знаходзілася гатовай прадукцыі ў фактычных цэнах на суму 438,5 мільярдаў рублёў, больш як палова запасаў даводзілася на прадукцыю ААТ "Белшына", паведаміла ПРАЙМ-ТАСС крыніца ў органах дзяржаўнага кіравання.
Паводле слоў крыніцы, агульныя запасы прадпрыемстваў канцэрна "Белнафтахім" на канец паўгоддзя склалі 30,7% да сярэднемесячнага аб`ёму вытворчасці пры нарматыве 26%. Пры гэтым больш як палова агульнай сумы запасаў па канцэрне – 54%, або 238,5 мільярдаў рублёў даводзілася на прадукцыю ААТ "Белшына".
"Калі ж ацэньваць узровень запасаў па канцэрне без уліку запасаў "Белшыны", то, пачынаючы з сакавіка, адзначаецца тэндэнцыя да іх скарачэння. Па стане на 1 ліпеня суадносіны запасаў да сярэднемесячнага аб`ёму вытворчасці складаюць 15,4%", – адзначыў суразмоўца.
Паводле яго дадзеных, рост запасаў прадукцыі "Белшыны" абумоўлены праблемамі з рэалізацыяй звышбуйнагабарытных шын (ЗБГШ) у сувязі з рэзкім паніжэннем попыту з прычыны канкурэнцыі, якая расце, асабліва ў Расеі, з боку кітайскіх кампаній, што прапануюць прадукцыю па ніжэйшых цэнах і з больш гнуткай сістэмай аплаты.
Суразмоўца адзначыў, што цяпер "Белшына" пераглядае ранейшую схему рэалізацыі ЗБГШ. Зробленая стаўка на рэалізацыю прадукцыі спажыўцам па доўгатэрміновых дамовах праз уласную тавараправодную сетку.
У ліпені запасы гатовай прадукцыі па прадпрыемствах "Белнафтахіма" знізіліся на 15,7 мільярдаў рублёў, у тым ліку ў ААТ "Белшына" – на 7 мільярдаў рублёў. Суадносіны да сярэднемесячнага аб`ёму вытворчасці склалі 28,8% пры нарматыве 24%.
