Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску адзначылі гадавіну Аршанскай бітвы (Фота) 10:54, 10/09/2007
8 верасня каля 30 актывістаў "Jeans - за Свабоду" сабраліся каля памятнага знаку, усталяванага на месцы старажытнага мінскага храма. Ён знаходзіцца на беразе Свіслачы, недалёка ад станцыі метро "Няміга". Маладыя людзі разгарнулі сцягі з выявай Маці Божай і сцягі Еўрапейскага Саюзу. Адзін з актывістаў выступіў з прамовай.
"493 гады таму нашы продкі абаранілі свабоду і незалежнасць Радзімы. Пад Воршай нашыя войскі пад кіраўніцтвам гетмана Канстанціна Астрожскага атрымалі бліскучую перамогу над маскоўскімі войскамі. У гэтай бітве ўдзельнічалі і харугвы з нашага гораду. Таму мы адзначаем гэта свята тут, у цэнтры старажытнага Мінску. Сёння мы працягваем змаганне за свабодную еўрапейскую Беларусь і ўшаноўваем памяць нашых продкаў, мужнасць і самаахвярнасць якіх - прыклад для нас," - сказаў малады чалавек.
Пасля дзяўчаты ўсклалі белыя і чырвоныя ружы да помніку і ўдзельнікі акцыі некалькі разоў праскандавалі "Жыве Беларусь!"
Акцыя, за якой назіралі сотні жыхароў гораду, якія адпачывалі побач, працягнулася на праспекце Пераможцаў, дзе актывісты кампаніі раздалі некалькі сотняў сініх стужак.
