Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сярод затрыманых сёння каля Баранавіцкага раённага суду актывістаў – моладзевы лідэр Павал Севярынец, Зміцер Хведарук, Ілля і Іван Шылы, фотакарэспандэнты агенцтваў «Рэйтэр» і «Франс Прэс» Васіль Федосенка і Віктар Драчоў.
«Людзей збівалі. Івану Шыле парвалі штаны. Мне парвалі куртку. Людзей білі нагамі. Затрыманне адбывалася вельмі груба», – паведаміў прэс-цэнтру Хартыі’97 Павал Севярынец.
Цяпер усе затрыманыя знаходзяцца ў двары Баранавіцкага ізалятара часовага ўтрымання.
Каля 20 чалавек затрыманыя ў Баранавічах, дзе праходзіць суд над актывістам «Маладога Фронту» Яраславам Грышчэнем. Людзей, якія стаялі ля суду і скандавалі «Свабоду!» і «Жыве Беларусь!», затрымлівалі супрацоўнікі палка міліцыі спецыяльнага прызначэння (былы АМАП).
Нагадаем, што Яраслава Грышчэню судзяць за «дзейнасць ад імя незарэгістраванай арганізацыі».
