Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Становішча беларускіх НПЗ толькі пагоршыцца 10:37, 10/09/2007
Павелічэнне экспартнай пошліны на расейскую нафту з 1 кастрычніка можа пагоршыць сітуацыю на беларускіх НПЗ. Пра гэта БелаПАН паведамілі на ААТ "Мазырскі НПЗ". "Вядома, павелічэнне экспартнай пошліны некалькі пагоршыць эканоміку прадпрыемства, але сказаць, што гэтае крытычнае павелічэнне, нельга", – адзначылі ў аддзеле экспарту прадукцыі НПЗ.
Паводле паведамлення расейскіх інфармацыйных агенцтваў, 1 кастрычніка павялічваецца экспартная пошліна на нафту на 26,4 даляры да 250,3 даляры за тону. Намеснік начальніка аддзела мытных плацяжоў дэпартамента падатковай і мытна-тарыфнай палітыкі Мінфіна Расеі Аляксандр Саковіч назваў гэтае падвышэнне "абсалютным рэкордам па памеры пошліны за ўвесь час".
Нагадаем, пошліны на экспарт нафты і нафтапрадуктаў з Расеі пераглядаюцца ўрадам раз у два месяцы па спецыяльнай формуле на падставе двухмесячнага маніторынгу цаны на расейскую нафту маркі "Urals" на сусветных рынках. Павялічыцца экспартная пошліна і ў Беларусі, бо згодна з міжурадавым беларуска-расейскім пагадненнем стаўкі экспартных пошлін на нафту і нафтапрадукты ў Беларусі ўсталёўваюцца ў памеры, роўнай стаўкам, якія ўжываюцца ў Расеі. Паводле беларуска-расейскім дамоўленасцям, пошліна на нафту, якая пастаўляецца ў Беларусь з Расеі, разлічваецца з ужываннем каэфіцыента 0,293.
