Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Украінца пакаралі за пагоны палкоўніка КДБ 11:20, 11/09/2007
Гомельскі суд прысудзіў да шасці гадоў пазбаўлення свабоды ўкраінца, які выдаваў сябе за палкоўніка КДБ Беларусі. Як паведамілі БелТА ў прэс-службе кіравання КДБ Гомельскай вобласці, 46-гадовы грамадзянін Украіны, маючы пры сабе падробленыя дакументы палкоўніка КДБ, займаўся махлярствам.
Ён увайшоў у давер да гомельскага прадпрымальніка, пазычыў буйную грашовую суму. Пасля ашуканец арганізаваў «ліпавае» пагадненне па продажы гамяльчаніну зямельнага ўчастку за 30 тысяч даляраў.
Падчас аператыўных дзеянняў супрацоўнікаў КДБ грамадзянін Украіны быў затрыманы. Пры высвятленні акалічнасцяў стала вядома, што ашуканец знаходзіўся ў Гомелі нелегальна. Меў пры сабе пашпарт з тэрмінам, які мінуў, і фальшывыя пасведчанні – палкоўніка КДБ і пасведчанне кіраўніка.
Рашэннем суду затрыманы прызнаны вінаватым у выкарыстанні загадзя падробленага дакумента, а таксама ў завалодванні маёмасцю шляхам падману, здзейсненага ў адмыслова буйным памеры. 46-гадовы ашуканец прысуджаны да шасці гадоў пазбаўлення свабоды. У прыбытак дзяржавы канфіскаваны «Мэрсэдэс», ноўтбук і звыш як 23 тысяч даляраў.
