Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Суд над мастаком Пушкіным прыпынены 12:42, 11/09/2007
Сёньня, пад час разгляду адміністратыўных спраў у дачыненьні мастака Алеся Пушкіна і актывіста Аляксея Янушэўскага суддзя Тацяна Рыбакова вынесла пастанову спыніць судовае разбіральніцтва.
Як паведаміў праваабаронца Васіль Леўчанкаў, падставай для гэтага паслужылі парушэньні працэсуальнага заканадаўства і памылкі пры складаньні пратаколаў. Справы вернуты ў РАУС для выпраўленьня гэтых хібаў.
Калі справа будзе паўторна перададзена ў суд – невядома. У гэтыя хвіліны Пушкіна і Янушэўскага ізноў павезьлі ў Аршанскі РАУС. Верагодна там будуць перапісаны пратаколы з крадзяжу на дробнае хуліганства.
Нагадаем, што Пушкін і Янушэўскі былі затрыманыя падчас святкавання гадавіны Аршанскай бітвы. Іх вінавацяць у крадзяжы дзяржаўнага сьцяга з аршанскага райаддзелу міліцыі.
