Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Еўрапарламент назаве намінантаў на прэмію імя Сахарава 10:02, 11/09/2007
Еўрапарламент абвесціць сёння спіс намінантаў на штогадовую прэмію імя Сахарава. Сярод кандыдатаў фігуруе прозвішча забітай журналісткі Ганны Паліткоўскай.
Усяго ў спісе 5 прозвішчаў. Сярод намінантаў – праваабаронцы з Кітая, Судана і Аўганістана, а таксама патрыярх Канстанцінопальскі Варфаламей Першы. Але галоўным прэтэндэнтам на атрыманне адной з самых прэстыжных прэмій для праваабаронцаў лічыцца Ганна Паліткоўская, адзначае «Эхо Москвы».
Аглядальніцы «Новой газеты», забітай год таму, прэмія можа быць прысуджаная пасмяротна. Кандыдатуру Паліткоўскай прапанаваў кіраўнік камітэта па міжнародных справах Еўрапарламента Яцэк Сарыюш-Вольскі. У Еўрапарламенце ён выступае ад фракцыі еўрапейскіх дэмакратаў.
Па працэдуры, для сцвярджэння кандыдатуры неабходна сабраць не менш як 25 подпісаў дэпутатаў. Прэмія Андрэя Сахарава была заснаваная ў 1988 годзе. За гэты час яе ўладальнікамі станавіліся шматлікія вядомыя палітыкі і праваабаронцы – напрыклад, Нэльсан Мандэла, Коффі Анан і арганізацыя «Рэпарцёры без межаў».
Летась уладальнікам прэміі імя Сахарава стаў лідэр беларускай апазіцыі Аляксандр Мілінкевіч.
