Салігорскія шахцёры забаставалі :: Хартыя'97 :: Навiны

Сутачны страйк шахцёраў на руднях “Беларуськалія” з 8 па 9 верасня 2007 года, адбываўся па «італьянскаму» метаду: шахцёры спусціліся пад зямлю, але працаваць не сталі. Страйкам было абхопленае каля 80% усіх падземных працоўных, паведаміў прадстаўнік «Беларускага Хельсінкскага камітэта» ў Салігорску Леанід Мархотка..

Асноўнымі прычынамі страйку салігорскіх шахцёраў стаў намер урады пазбавіць працоўных шэрагу іх сацыяльна-эканамічных заваёў, атрыманых падчас страйкаў 1991–1993 гг.:

- намер спыніць выплаты пенсій за працу ў шкодных умовах працы, калі працаўнік працягвае сваю далейшую працоўную дзейнасць у аб`яднанні;

- намер спыніць альбо значна паменшыць выплату дапамогі пры выхадзе на пенсію (так званых шахцёрамі «трунных»);

- намер скараціць водпуск падземным працоўным і прыраўняць яго да 40 дзён ( цяпер водпуск шахцёраў, якія працуюць непасрэдна ў забою, дасягае 56 дзён);

- намер вылучаць грошы на аздараўленне падчас водпуску толькі пры ўмове набыцця працаўнікамі пуцёвак у санаторыі (прафілакторыі).

Страйк насіў папераджальны характар. Калі ўрад будзе і надалей настойваць на пазбаўленні салігорскіх шахцёраў сацыяльна-эканамічных заваёў, альбо ў выпадку пераследу ўдзельнікаў і арганізатараў страйку, шахцёры маюць намер пачаць бестэрміновы страйк з зацягваннем наземных працаўнікоў абагачальных фабрык і дапаможных цэхаў. У дадзены момант паміж падземнымі і надземнымі падраздзяленнямі працоўных вядзецца каардынацыйная праца наконт сумесных дзеяннях па абароне сваіх сацыяльна-эканамічных інтарэсаў.

Як паведамляе прэс-служба АГП, у сувязі з страйкам у горадзе Салігорску на ўсе рудакіраванні РУП ПА «Беларуськалій» накіраваныя працаўнікі КДБ для ацэнкі сітуацыі і выяўленні арганізатараў.