Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Францыя асудзіла рэпрэсіі ў Беларусі 12:35, 12/09/2007
Францыя асуджае затрыманьне каля дваццаці моладзевых актывістаў, якое адбылося ў панядзелак у горадзе Баранавічы падчас пачатку судовага працэсу над адным зь іх таварышаў, сябрам арганізацыі “Малады Фронт” Яраславам Грышчэнем. З такой заявай выступіў намесьнік прэсавага сакратара Міністэрства замежных справаў Францыі.
Францыя таксама асуджае затрыманьне падчас вышэй адзначаных падзеяў двух журналістаў-фатографаў агенцыяў “Франс Прэс” і “Ройтэрс”, якія выконвалі свае прафэсійныя абавязкі.
Францыя нагадвае Беларусі пра забавязаньні, якія тая ўзялася выконваць у сфэры свабоды аб’яднаньняў, свабоды выказваньня і свабоды прэсы.
Францыя занепакоена сталым пагаршэньнем сытуацыі з правамі чалавека ў Беларусі, краіне-суседцы Эўрапейскага зьвязу. Францыя з асаблівай заклапочанасьцю канстатуе, што шматлікія праваабарончыя арганізацыі , у прыватнасьці НДА “Вясна” не былі зарэгістраваныя, у парушэньне заключэньняў Камітэта па правах чалавека ААН.
