Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусам не далі «павіншаваць» Дзяржынскага (Фота) 11:46, 12/09/2007
Сёння раніцай моладзевыя актывісты паспрабавалі правесці флэш-моб, прымеркаваны да дня нараджэння кіраўніка ВЧК і заснавальніка Камітэта дзяржаўнай бяспекі Фелікса Дзяржынскага. Помнік галоўнаму чэкісту задаўга да гадзіны Х патруляваўся ўзмоцненымі нарадамі міліцыі. У прызначаны час да бюста Дзяржынскага пад`ехала міліцэйская машына з таніраваным шклом. Некалькі дзесяткаў чалавек у цывільным разышліся па прылягаючых кварталах.
Моладзь мела намер ускласці да помніка чэкіста замест кветак цацачныя аўтаматы, якія лепш усяго падкрэслівалі б сутнасць «жалезнага Фелікса» і сімвалізавалі масавыя забойствы беларусаў бальшавіцкай уладай.
Сямёра маладзёнаў былі затрыманыя ў 10.45 на скрыжаванні вуліц Леніна і Карла Маркса для высвятлення асобы. Актывістаў утрымліваюць у гарадскім аддзяленні міліцыі Ленінскага РУУС сталіцы дагэтуль. Сярод затрыманых – моладзевы лідэр Франак Вячорка. Паводле паведамленнях Вячоркі, затрыманых збіраюцца везці ў Ленінскі РУУС. Акрамя шэраговых супрацоўнікаў у аддзяленні міліцыі знаходзіцца кіраўніцтва раённага УУС.
