Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прэзідэнт РФ Уладзімір Пуцін прыняў адстаўку ўрада і папрасіў Міхаіла Фрадкова выконваць абавязкі старшыні ўрада аж да ўхвалення Дзярждумай кандыдатуры новага прэм`ера.
Як перадае РІА «Новости», прэм`ер-міністр Расеі Міхаіл Фрадкоў, які ўзначальвае Кабінет міністраў з 2004 года, у сераду на сустрэчы з прэзідэнтам звярнуўся да Уладзіміра Пуціна з просьбай аб адстаўцы ўрада.
Фрадкоў абгрунтаваў просьбу надыходзячымі буйнымі палітычнымі падзеямі ў краіне і жаданнем даць прэзідэнту Расеі поўную свабоду ў выбары рашэнняў, уключна кадравыя.
Пуцін у адказ сказаў: «Сапраўды, краіна цяпер набліжаецца да парламенцкіх выбараў, якія пасля пяройдуць у прэзідэнцкія. Магчыма, вы правы, нам усім разам трэба падумаць пра тое, як выбудаваць структуру ўлады і кіравання з тым, каб яны лепш адпавядалі перадвыбарнаму перыяду і падрыхтавалі краіну да часу пасля выбараў у парламент і пасля прэзідэнцкіх выбараў у сакавіку 2008 года».
Пуцін падзякаваў Фрадкову за дасягнутыя вынікі ў працы.
