Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗША будуць рабіць больш жорсткімі санкцыі ў дачыненні лукашэнкаўскай Беларусі 09:42, 12/09/2007
ЗША будуць рабіць больш жорсткімі санкцыі ў дачыненні Беларусі датуль, пакуль яе кіраўніцтва не пачне прытрымлівацца дэмакратычных нормаў. Як паведамляе ІТАР-ТАСС, пра гэта заявіў у аўторак афіцыйны прадстаўнік дзярждэпартамента ЗША Шон Маккормак.
Паводле яго слоў, Вашынгтон "заклікае беларускія ўлады выпусціць усіх палітвязняў, а таксама выконваць правы чалавека і асноўныя свабоды па дачыненні да свайго народа". "Беларусы плацяць вельмі сур`ёзную цану за асноўныя правы, якія выконваюцца ў дэмакратычных супольнасцях", – адзначыў Ш.Маккормак.
Прадстаўнік дзярждэпартамента падкрэсліў, што "беларускія ўлады актывізуюць пагрозы ў дачыненні ўласнага народа". У прыватнасці, ён нагадаў пра нядаўні арышт аднаго з лідэраў апазіцыі Андрэя Клімава за крытыку ў адрас Аляксандра Лукашэнкі ў Інтэрнэце, а таксама пра затрыманне актывістаў арганізацыі "Малады Фронт". Назваўшы іх акцыі пратэсту мірнымі, Ш.Маккормак падкрэсліў, што "палітычныя партыі, якія плануюць удзел у выбарах у наступным годзе, знаходзяцца пад пагрозай страты рэгістрацыі".
