Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Velcom не каментуе інфармацыю аб магчымай куплі кампаніі 09:53, 12/09/2007
10 верасня аўстрыйская кампанія "Telekom Austria Group" афіцыйна пацвердзіла свой намер купіць аднаго з аператараў мабільнай сувязі ў Беларусі. У той жа дзень аўстрыйская газета "Die presse" са спасылкай на ананімныя крыніцы ў "Telekom Austria Group" паведаміла, што найбольш верагоднай з`яўляецца купля "МЛС". Паводле звестак выдання, у перамовах задзейнічаны мільярдэр Марцін Шлаф, які жыве ў Вене.
Нагадаем, што ў жніўні дзяржаўную долю акцый у "МЛС" выкупіла кіпрская кампанія "SB Telecom". Падрабязнасці здзелкі адмовіліся каментаваць як у Міністэрстве сувязі Беларусі, так і ў "МЛС", паведамляе “Радыё Рацыя”.
Атрымаць каментарыі "SB Telecom" таксама не ўдалося. Названы на афіцыйным сайце "SB Telecom" адрас ў Нікасіі (Кіпр) належыць кампаніі "PriceWaterhouse Coopers". Прадстаўнік гэтай кампаніі заявіў БелаПАН, што нічога не ведае аб "SB Telecom". На запыты, адпраўленыя па названай на сайце электроннай пошце прадстаўнікі "SB Telekom" не адказваюць.
