Украіна падвышае цэны на электраэнергію для Беларусі :: Хартыя'97 :: Навiны

Цяпер Украіна свядома адмаўляецца ад паставак электраэнергіі па тых кірунках экспарту, якія невыгодныя з эканамічнага пункту гледжання. Пра гэта заявіў прэс-сакратар Міністэрства паліва і энергетыкі Украіны Канстанцін Барадзін, адказваючы на пытанне карэспандэнта ЛІГАБізнесІнформ. У якасці прыкладу К.Барадзін прывёў дамоўленасці аб пастаўках электраэнергіі ў Беларусь, звярнуўшы ўвагу на тое, што экспарт электраэнергіі ў гэтую краіну здзяйсняўся з пачатку года па цане ад 2 да 2,4 амерыканскіх цэнты за квт пры тым, што цана для ўкраінскіх спажыўцоў на ўкраінскім рынку складае каля 4,7 цэнтаў за квт.

"Падчас перамоваў з нашымі беларускімі партнёрамі мы паведамілі ім пра тое, што Украіна на сёння не валодае залішняй магутнасцю, якая дазваляе выпрацоўваць гэтую электраэнергію, пры якой такая цана экспарту, як 2,4 цэнты за квт з`яўляецца для Украіны прывабнай. У сувязі з гэтым мы прапанавалі нашым беларускім партнёрам перайсці на закупы электраэнергіі па цэнах унутранага рынку Украіны. На сёння, наколькі нам вядома, беларускі бок вывучае нашу прапанову", – падкрэсліў ён, дадаўшы пры гэтым, што аналагічную пазіцыю Міністэрства займае і ў пытанні экспарту электраэнергіі ў Малдову.

Па словах К.Барадзіна, у сувязі з ростам кошту энерганосьбітаў, у першую чаргу газу, экспартныя цэны не пакрываюць выдаткаў на выпрацоўку электраэнергіі. "Мы гатовыя экспартаваць электраэнергію па ўсіх напрамках, задавальняючы запатрабаванні ўсіх нашых заказчыкаў і кліентаў. Але пры гэтым дадзеныя пастаўкі электраэнергіі не павінны наносіць эканамічную шкоду прадпрыемствам Украіны. Гэтыя пастаўкі мы гатовыя вырабляць па цане ўкраінскага энергарынка", – падкрэсліў прэс-сакратар.