Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мілінкевіч сустрэнецца з прэзідэнтам Еўрапарламента і прэзідэнтам Польшчы 12:00, 14/09/2007
Лідэр руху “За Свабоду” Аляксандр Мілінкевіч сустракаецца ў Кракаве з Прэзідэнтам Еўрапарламента Гансам-Гертам Потэрынгам і Прэзідэнтам Польшчы Лехам Качынскім. Сустрэчы пройдуць 14-15 верасня ў рамках міжнароднай канферэнцыі "Ад Рымскіх пагадненняў да Канстытуцыйнай дамовы". Палітыкі абмяркуюць будучае Еўропы, мадэлі развіцця ЕС і перспектывы яго далейшага пашырэння.
“Тэма далейшага пашырэння ЕС і мадэляў яго развіцця для нашай краіны вельмі актуальная, будучае Беларусі павінна быць звязанае з ЕС, - адзначыў Аляксандр Мілінкевіч напярэдані адлёту ў Кракаў. -- Я буду пераконваць еўрапейскіх палітыкаў, што Еўропа не павінна замыкацца ў рамках сённяшніх межаў. Будучая перспектыва ўступлення ў ЕС з`яўляецца добрым чыннікам, які будзе спрыяць хуткай дэмакратызацыі краіны і як мага хучэйшага пераходу яе да рынкавай эканомікі. Агульная Еўропа бачыцца для нас супольнасцю такіх каштоўнасцей, як правы чалавека, дэмакратыя, свабодны рынак, вяршынства права, стабільнае развіццё эканомікі і грамадская салідарнасць”.
У сёняшняй Канферэнцыі таксама прымуць удзел еўракамісар па рэгянальнай палітыцы ЕС Данута Хюбнэр, спікер нямецкага Бундэстага Норберт Ламерт, еўрадэпутаты і эксперты ў галіне права, міжнарожных адносін і міжкультурнага дыялогу.
