Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Шмат дзе ў Менску 16 верасня прайшлі акцыі (фота) 16:47, 17/09/2007
Некалькі акцый салідарнасці з палітычнымі вязнямі прайшлі ў Мінску 16 верасня. Маладыя людзі выйшлі на вуліцы горада з партрэтамі палітвязняў Артура Фінькевіча, Зміцера Дашкевіча, Аляксандра Казуліна, Андрэя Клімава. Акцыі прайшлі ў мікрараёнах Кунцаўшчына, Усход і Серабранка, ля Чэрвенскага рынка, на плошчы Бангалор, ля Лядовага Палацу і на праспекце Дзяржынскага і ля універмагу "Беларусь".
Традыцыя адзначаць штомесяц 16 чысла Дзень Салідарнасці з`явілася роўна два гады таму, калі міліцыяй была жорстка разагнаная акцыя, прымеркаваная да гадавіны знікнення аднаго з лідэраў апазіцыі Віктара Ганчара і бізнэсмэна Анатоля Красоўскага.
З таго часу 16 чысла кожнага месяца беларусы выходзяць на вуліцы гарадоў краіны, каб выказаць сваю салідарнасць з палітычнымі вязнямі і сем`ямі зніклых людзей.
