Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ад сённяшняга дня “Малады Фронт” распачынае незвычайную акцыю салідарнасці з палітзняволеным моладзевым лідэрам Паўлам Севярынцам. Цягам двух тыдняў актывісты арганізацыі з розных гарадоў будуць дасылаць на адрас баранавіцкай суддзі, якая нядаўна асудзіла палітыка Паўла Севярынца на 17 сутак арышту за несанкцыянаванае пікетаванне і супраціўленне міліцыянтам, лісты з ягоным партрэтам і подпісам “Якім судом вы судзіце, такім судзімы будзеце”.
Нагадаем, што за апошнія 2 месяцы пасля вызвалення з “хіміі”, дзе палітык прабыў амаль два гады, Павел Севярынец адсядзеў ужо 47 сутак адміністрацыйнага арышту. Палітык мусіць выйсці на волю 27 верасня.
