Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зміцер Федарук: «Улады павінны пакінуць сабе магчымасці для дыялогу» 17:30, 18/09/2007
«Сытуацыя падобна на тую, якая была колькі месяцаў таму, калі масава заводзіліся крымінальныя справы на менскіх актывістаў. Зараз прэсуюць рэгіёны. Асабліва дастаецца Гомельскай вобласьці, дзе дзейнічаюць разгалінаваныя эфектыўныя структуры. Усё ж спадзяемся, што ўлады гэтым разам не будуць караць маладзёнаў арыштамі і гэтым самым пакінуць сабе магчымасці для наладжвання дыялогу з дэмакратычнымі сіламі», – заявіў прэс-центру Хартыі’97 лідэр “Маладога фронту” Зміцер Федарук, каментуючы ўзбуджэнні крымінальных справаў супраць актывістаў арганізацыі Кірыла Атаманчыка і Арсенія Ягорчанкі.
Маладзёвы лідэр падцвердзіў, што ў Гомелі сёння прыгаварылі да 10 сутак Андрэя Цянюту. Акрамя гэтага, апошняй ноччу на кватэры непаўнагадовага светлагорскага актывіста Арсенія Ягорчанкі ў адсутнасць бацькоў быў зладажаны ператрус.
“Міліцыянты забралі кампутар і пры гэтым не аформілі пратакол аб канфіскацыі. Сёння ўдзень прайшоў ператрус на кватэры Кірыла Атаманчыка ў Жлобіне. Хлопцу толькі споўнілася 18 год”, – кажа Зміцер Федарук.
