Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сёння могуць ліквідаваць партыю жанчын 09:50, 19/09/2007
Вярхоўны суд Беларусі ў сераду прыступіць да разгляду пазову аб ліквідацыі Беларускай партыі жанчын (БПЖ) "Надзея", паведаміла "Інтэрфаксу" прэс-сакратарка ВС Анастасія Цімановіч.
Іскавую заяву аб ліквідацыі БПЖ падаў Мінюст Беларусі, спасылаючыся на тое, што "за час сваёй дзейнасці БПЖ "Надзея" нібыта неаднаразова парушала заканадаўства Беларусі ўласны статут, не мела юрыдычнага адрасу".
У пазове таксама гаворыцца, што цягам некалькіх гадоў на тэрыторыі рэспублікі дзейнічаюць партыйныя арганізацыі БПЖ "Надзея", не пастаўленыя на ўлік у мясцовых органах юстыцыі.
Акрамя таго, як паведамілі ў Мінюсце, у парушэнні патрабаванняў закона "Аб палітычных партыях" БПЖ "Надзея" не стварыла ва ўсталяваным парадку сваю менскую гарадскую структуру, а таксама неабходную колькасць абласных аргструктур.
У снежні 2006 года БПЖ "Надзея", у якасці сузаснавальніка Саюза палітычных партый "Саюз левых партый", была адным з арганізатараў правядзення за межамі Беларусі ўстаноўчай канферэнцыі па стварэнні дадзенага саюза, чым, на думку Мінюста, парушыла дзейнае заканадаўства і свой статут.
