Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія студэнты адзначылі Дзень герба і сцяга (Фота) 11:32, 20/09/2007
19 верасня ў Дзень беларускай сімволікі ў Варшаўскім універсітэце адбылося спатканне беларускіх студэнтаў з дэпутатам Вярхоўнага Савету 12-га склікання Мікалаем Аксамітам. Заля, дзе праходзіла сустрэча, была ўпрыгожана беларускімі нацыянальнымі сцягамі і гербам "Пагоня".
Беларускай моладзі была праведзеная невялікая, але цікавая лекцыя пра тое, як распрацоўвалася і прымалася беларуская нацыянальная сімволіка ў 1991 годзе, як потым была змененая ў 1995 годзе.
Напрыканцы выкладу маладзёны падыходзілі да спадара Аксаміта і дзякавалі за змястоўную і пазнавальную лекцыю. Мінула 16 год ад прыняцця новай сімволікі, і носьбітамі той гісторыі засталіся людзі, якія яе стваралі, перажывалі тыя падзеі і марылі аб свабоднай Беларусі пад бел-чырвона-белым сцягам і "Пагоняй".
