З 1 кастрычніка тарыфы на камуналку могуць падвысіцца на 25% :: Хартыя'97 :: Навiны

У Міністэрстве эканомікі цяпер разглядаецца пытанне аб падвышэнні кошту паслуг жыллёва-камунальнай гаспадаркі.

Учора раніцай Інтэрнэт абляцела навіна пра тое, што тарыфы на паслугі ЖКГ могуць павялічыцца на 25% ужо з 1 кастрычніка, піша «КП в Беларуси».

– Гэта праўда? – спыталі журналісты ў намесніка міністра жыллёва-камунальнай гаспадаркі Беларусі Сяргея Сушко на прэс-канферэнцыі.

– З гэтым пытаннем трэба звяртацца ў Міністэрства эканомікі, – ухіліўся ад адказу ён.

– Але ж распрацоўвае такія прапановы ваша міністэрства! – не адступаліся журналісты.

– Чаму вы думаеце, што рост складзе 25%? – спытаў Сяргей Аляксандравіч. І дадаў: – Так, сапраўды, пытанне аб падвышэнні тарыфаў разглядаецца ў Мінэканомікі.

Таксама намеснік міністра распавёў пра тое, што рашэнне аб падвышэнні тарыфаў у 2008 годзе будзе прынятае да 1 снежня.

Сяргей Сушко таксама распавёў…

…пра пачатак ацяпляльнага сезону:

– Мы арыентуемся на 15 кастрычніка. А як праз месяц складуцца пагодныя ўмовы, будзем глядзець. Вядома, усё будзе залежаць ад надвор`я. Пачатак ацяпляльнага сезону вызначаецца зыходзячы з сярэднесутачнай тэмпературы паветра, якая цягам пяці дзён павінна мець пэўны паказчык.

……пра ўсталяванне лічыльнікаў вады

– На 13 верасня лічыльнікамі абсталяваныя 41% ад запланаваных на год. Ёсць адставанне, выпрацаваныя меры па папаўненні адставання: павялічаная колькасць брыгад, вядзецца вялікая тлумачальная праца з насельніцтвам.
Па словах намесніка міністра, такую жорсткую меру, як падвышэнне тарыфаў на ваду, тым, хто не ўсталёўвае лічыльнікі, уводзіць не плануецца.

……пра даўжнікоў

– Завінавачанасць насельніцтва па аплаце паслуг ЖКГ у Менску – каля сямі мільярдаў рублёў. А ў Беларусі – каля 40 мільярдаў рублёў.