Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Барысаве страйкуюць прадпрымальнікі 13:28, 24/09/2007
Сёння на цэнтральную плошчу горада Барысава выйшлі прадпрымальнікі, якія працуюць на Нова-Барысаўскім рынку. Яны абвясцілі пра пачатак папераджальнага страйку і вылучылі ініцыятыўную групу для перамоваў з старшынёй гарвыканкама горада Васілём Дзелюком.
Пра гэта прэс-службе АГП паведаміў старшыня аргкамітэта па стварэнні рэспубліканскага грамадскага аб`яднання «За свабоднае развіццё прадпрымальніцтва» Віктар Гарбачоў. Прычынай папераджальнага страйку стала падвышэнне кошту арэндных месцаў на Нова-Барысаўскім рынку.
Як распавёў Гарбачоў, год таму ў Нова-Барысаўскага рынку змяніліся гаспадары. Адразу пасля гэтага было заяўленае пра падвышэнне арэнднай платы. І калі раней прадпрымальнікі плацілі 5 еўра за квадратны метр, цяпер цана павысілася да 10-15 Еўра. На гэтым рынку працуе каля 200 чалавек. Цягам гэтага месяца яны пісалі лісты ў абласны камітэт Дзяржкантролю, у пракуратуру Барысаўскага раёна, у Менаблвыканкам, але атрымлівалі адпіскі. Цяпер, па словах Гарбачова, цярпенне прадпрымальнікаў лопнула.
