Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Менская міліцыя падтрымала Еўрапейскі Марш 10:20, 24/09/2007
Незвычайная акцыя была заўважаная 23 верасня ўвечары ў цэнтры Менска. Прыкладна ў 20.00 людзі, якія гулялі па Кастрычніцкай плошчы, убачылі на адным з будынкаў шасцімятровы плакат сіняга колеру, на якім быў намаляваны сцяг Еўразвяза і напісаныя дата і месца пачатку Еўрапейскага Марша. Але самае цікавае было ў тым, што па страсе бегаў працаўнік міліцыі.
Пры гэтым ён гучна крычаў і махаў рукамі. Было незразумела – ці то ён спрабаваў паправіць плакат, ці то яго зняць, каб павесіць у іншым месцы. Усё гэта скончылася тым, што міліцыянт усё-ткі дабраўся да месца. Але калі ён пацягнуў плакат на сябе, з яго на плошчу паляцела некалькі дзесяткаў улётак, піша сайт грамадзянскай кампаніі «Джынс – за Свабоду!».
