Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗША абвінавацілі Іран у пастаўках зброі іракскім баявікам 11:27, 24/09/2007
Іран пастаўляе іракскім баявікам сучасную зброю, уключна пераносныя зенітна-ракетныя комплексы (ПЗРК) і ручныя супрацьтанкавыя гранатамёты. Пра гэта ў нядзелю заявіў афіцыйны прадстаўнік амерыканскага камандавання ў Багдадзе контр-адмірал Марк Фокс.
Паводле яго слоў, амерыканскія вайскоўцы падчас аперацый, якія праводзяцца ў Іраку, працягваюць знаходзіць іранскія ПЗРК з ракетамі, абсталяванымі інфрачырвонай галоўкай саманавядзення, мадэрнізаваныя гранатамёты, а таксама 240-міліметровыя некіравальныя рэактыўныя снарады.
Як сцвярджае Пентагон, адзін з такіх снарадаў быў скарыстаны шыіцкімі баявікамі 11 верасня для абстрэлу штаб-кватэры шматнацыянальных сілаў, змешчанай на базе "Кэмп-Виктары", якая размешчаная недалёка ад багдадскага аэрапорта, паведамляе ІТАР-ТАСС.
Ракета ледзь не патрапіла ў будынак, дзе гэтым часам праводзілася нарада старэйшых афіцэраў. У выніку выбуху раненні атрымалі 11 салдат кааліцыі, загінуў адзін грамадзянскі служачы.
