Паважаныя наведвальнікі вэ-сайту Хартыі. Папярэджваем вас аб тым, што ў сувязі з істотнай перагрузкаю каналаў сувязі вы можаце мець праблемы з адкрыцьцём старонак нашага сайту. Заставайцеся з намі.

---

Сёньня з СІЗА Менгарвыканкаму ў горадзе Жодзіна быў выпушчаны на свабоду дэпутат Вярхоўнага Савету 13 скліканьня, лаўрэат Нацыянальнай прэміі за абарону правоў чалавека, журналіст Валеры Шчукін. 60-гадовы Валеры Шчукін сеў у турму на 3 месяцы толькі за тое, што спрабаваў прайсьці на закрытую прэс-канферэнцыю міністра ўнутраных справаў Беларусі Ўладзімера Навумава, якая праходзіла ў рэжымным будынку МУС.

---

Прэс-сакратар Дзярждэпартамэнту ЗША Рычард Баўчар правёў 10 верасьня брыфінг, у якім асноўная ўвага надзялялася сытуацыі ў Беларусі пасьля прэзыдэнцкіх выбараў 9 верасьня. “Беларусь не пасьпела ўскочыць у лодку, якая ўзяла курс на дэмакратыю. Яны спазьніліся, хоць народ Беларусі і заслугоўвае быць часткаю Эўропы. Яны павінны быць у Эўропе. Менавіта пра гэта мы заяўлялі і менавіта там мы хочам бачыць Беларусь. Такім чынам, рэжым існуе ізалявана ад астатняй Эўропы, міжнароднай супольнасьці і насамрэч ён жыве ў мінулым. Яны жывуць і ўтрымліваюць уладу метадамі, якія можна лічыць перажыткамі нават не мінулых дзесяцігодзьдзяў, а мінулага стагодзьдзя, ва ўсялякім выпадку, мы на гэта спадзяемся”, - заявіў Філіп Рыкер. Прыводзім стэнаграму той часткі брыфінгу, якая датычыць Беларусі.

---

Затрымаўшы актывіста ЗУБРа Яўгена Драбязку, супрацоўнікі міліцыі непалічылі неабходным патлумачыць зубру падставы для затрыманьня: яго запіхнулі ў машыну, моцна зьбілі і даставілі ў Цэнтральнае аддзяленьне міліцыі. Намесьнік начальніка раённай міліцыі падпалкоўнік Віктар Ермакоў заявіў Яўгену Драбязка, што “пратрымае яго без усялякага суда столькі, сколькі пажадае”. У якасьці альтэрнатывы – зноў такі з прымяненьнем сілы – зубру прапанавалі падпісаць два пратаколы згодна аднаму зь якіх ён, Яўген Драбязка, не падпарадкаваўся патрабаваньням міліцыі, а згодна другому, лаяўся, чым і абразіў супрацоўнікаў праваахоўчых воганаў.

---

Выканаўчы дырэктар Міжнароднай Лігі правоў чалавека са штаб-кватэраю ў Нью-Ёрку Кэтрын Фіцпатрык з удзячнасьцю і горам прыняла нашыя спачуваньні з прычыны гібелі дзесяткаў тысячаў сваіх суайчыньнікаў. Вось што яна паведаміла прэс-цэнтру Хартыі`97:

---

У Нью-Ёрку перадалі нумары тэлефонаў для сувязі з тымі, хто, магчыма, працаваў у цэнтры Нью-Ёрку. У гэтым месцы працавала вельмі шмат эмігрантаў зь Беларусі, у рэстарацыях, у адвакацкіх канторах, іншых установах. На жаль, не магло абыйсьціся беза хвяраў нашых суайчыньнікаў. Але пакуль зьвестак аб пацярпелых у ЗША беларусах няма. Вядома, што супрацоўнікі беларускіх дыпляматычных місіяў, амбасады ў Вашынгтоне і консульства ў Нью-Ёрку не пацярпелі.

---

Дадзеныя аб выніках выбараў, якія маюць прадстаўнікі грамадзянскай ініцыятывы “Незалежнае назіраньне”, істотна разыходзяцца са зьвесткамі, якія прадстаўляюцца Цэнтральнай камісіяй Рэспублікі Беларусь па выбарах і правядзеньню рэспубліканскіх рэферэндумаў. Пра гэта на прэс-канферэнцыі 11 верасьня распавёў кіраўнік Цэнтральнага каардынацыйнага савету па назіраньні за выбарамі Мечаслаў Грыб.

---

Рэчыцкая пракуратура вызваліла з турмы маладую настаўніцу Наталю Брэль, але крымінальную справу супраць яе (паклёп супраць прэзыдэнта Рэспублікі Беларусь) ня спынена. Наталю Брэль вызвалілі пад падпіску аб нявыезьдзе. Нават на сустрэчу са сваім гомельскім адвакатам яна павінна прасіць дазволу ў сьледчага. Як паведаміла жанчына Радыё Свабода, пасьля арышту яна ня можа ўладкавацца на працу.

---

Рэгіянальным дэмакратычным арганізацыям не вяртаюць канфіскаваную да выбараў кампутарную тэхніку. Да гэтага часу невядома, што здарылася з тэхнікай вабласнога грамадзкага аб’яднаньня “Грамадзянскія ініцыятывы” і маладзёвага цэнтру “Гарт”. За тры тыдні да выбараў прэзыдэнта вабласное ўпраўленьне КДБ правяло вобыскі ў згаданых грамадзякіх арганізацыях і канфіскавала ўсю кампутарную тэхніку. Выбары скончыліся, але тэхніку грамадзкім аб’яднаньням ніхто не вяртае.

---