Расьце колькасьць стратных прадпрыемстваў :: Charter'97 :: News

У Беларусі дакладна прасочваецца тэндэнцыя павелічэньня колькасьць стратных прадпремстваў. Калі на 1 лістпада 2000 г. ня мелі ўласных зваротных сродкаў 21,5% прадпрыемстваў ад іх агульнай колькасьці, то на 1 красавіка 2001 г. ня мелі ўласных зваротных сродкаў ужо 30% прадпрыемстваў, у тым ліку ў прамысловасьці – 34,2%

Забясьпечанасьць уласнымі зваротнымі сродкамі прадпремстваў прамысловасьці за год зьменшылася на траціну. У групе буйных і сярэдніх прадпрыемстваў з колькасьцю звыш 1000 чалавек доля неплацежаздольных вырасла з 73% да 77%, а ў іх ліку доля ўстойліва неплацежаздольных – з 76% да 88%. Для патэнцыйных банкрутаў (г.зн.даўжнікоў, у якіх уласнай ліквіднай маёмасьці недастаткова, каб разьлічыцца па сваіх даўгавых абавязацельствах) хістаецца ў цэлым па неплацежаздольных дзяржаўных арганізацыях ад 3% да 5%. У групе прадпрыемстваў з колькасьцю да 1000 чалавек доля патэнцыйных банкрутаў дасягае 11%. Гэта як раз тыя прадпрыемствы, якімі рэальна цікавяцца патэнцыйныя інвестары, паколькі ў адпаведнасьці з заканадаўствам іх можна прадаць з даўгамі за 1 мінімальны заробак. Трохгадовы маніторынг паказаў, што прадпрыемствы “дрэйфуюць”, у асноўным, да неплацежаздольных, устойліва неплацежаздольных – патэнцыйных банкрутаў.