ВУЗы обязаны компенсировать студентам потерю льгот
9:03, — Политика
Высшие учебные заведения создают специальные комиссии по компенсации студентам средств на проезд, этого потребовало Министерство образования. Директор закрытого властями белорусского лицея Владимир Колас считает, что таким образом власти намерены снивелировать отрицательную реакцию общества на отмену льгот.
Вышэйшыя навучальныя ўстановы мусяць кампэнсаваць праезд студэнтам за кошт уласных сродкаў. Для гэтага зараз ствараюць адмысловыя камісіі. Але на тэму выплатаў у ВНУ размаўляюць вельмі неахвотна. Спэцыяліст вучэбнай часткі Акадэміі мастацтваў Людміла Шаркоўская толькі пацьвердзіла «Радыё Свабода» гэты факт:
“Загад быў, і ён падпісаны: кампэнсаваць праезд студэнтам”.
Адпаведныя пастановы распрацаваныя ў пэдунівэрсытэце імя Максіма Танка, Палітэхнічнай акадэміі, але пра ўмовы кампэнсацыі тут паведаміць таксама адмаўляюцца.
А вось што сказала кіраўніца прэсавай службы Белдзяжунівэрсытэту Вольга Шчадрына:
“Штосьці такое казалі, неяк лунала ў паветры, што гэта будуць вырашаць самі студэнты: каму дапамагчы і як. Але канчаткова, па-мойму, гэта яшчэ не набыло нейкія абрысы”.
Як паведамляюць іншыя афіцыйныя крыніцы, ВНУ павінны будуць кампэнсаваць праезд за кошт стыпендыяльнага фонду. Ён разьлічаны на заахвочваньне выдатнікам, дапамогу ў цяжкіх матэрыяльных абставінах, але не на масавыя выплаты. Таму, да прыкладу, ў Баранавіцкім унівэрсытэце іншагароднім студэнтам прапануюць кампэнсацыю памерам тры тысячы рублёў. А ў менскім Унівэрсытэце культуры зараз разглядаюць магчымасьць аплаты праязнога толькі ў межах гораду. Пры гэтым паўстае мноства праблем як у студэнтаў, так і ў навучальных установаў, кажа прарэктар Мікалай Кузьміч:
“Студэнт павінен зьвярнуцца з заявай у адпаведную камісію. Ён павінен прапанаваць сьведчаньне таго, што яму сапраўды неабходны гэты праязны білет. Што ён езьдзіць па гэтаму маршруту, што ён за пэўны пэрыяд выдаткаваў нейкую суму на праезд. І паспрабуй дакажы, што гэта менавіта ягоны праязны, а ня брата ці сястры – яны ж не імянныя. А зь іншага боку, калі інтэрнат побач з унівэрсытэтам, і яны ходзяць да нас пехатою, ці будуць прэтэндаваць на такі праязны іншагароднія студэнты? Занадта шмат тут пытаньняў узьнікае. Лепш бы адразу падвысілі стыпэндыю на кошт праязнога білета ды і ўсё”.
Дырэктар зачыненага ўладамі беларускага ліцэю Ўладзімер Колас новыя захады ўлады пракамэнтаваў гэтак:
“Каб не прызнавацца ва ўласных памылках, гэтых стратэгічных памылках у эканоміцы, вось такім чынам здымаюць ці прыніжаюць адмоўную рэакцыю грамадзкасьці на адмену льгот. І перакладваецца цяжар на тую ж сфэру адукацыі”.
