Демократических активистов задерживали и избивали по списку
2
11:35, — Политика
Избиениями и массовыми задержаниями сопровождалась 25 марта в Минске массовая акция по случаю 90-ой годовщины провозглашения независимости БНР.
У міліцыі г.Менску знаходзіцца каля сотні затрыманых. У Савецкім РУУС знаходзяцца каля 50 чалавек, у Заводзкім каля 25, у Партызанскім таксама больш за 20 чалавек, паведамляе “Радыё Свабода”.
Людзі, якія ехалі ў Заводзкі РУУС у аўтазаку паведамілі, што ў іх адбіралі мабільныя тэлефоны, і яны ня мелі магчымасьці зьвязацца са сваімі сваякамі.
Стала вядома, што ў міліцыянтаў, якія кіравалі разгонам, на руках былі сьпісы тых людзей, якіх яны перш за ўсё павінны затрымаць, а потым ужо яны затрымлівалі тых людзей, якія трапілі пад так званую "зачыстку". Артур Фінькевіч моцна зьбіты, у Зьмітра Дашкевіча шмат гематомаў на твары. Непаўналетнюю Алену Макарэвіч моцна зьбівалі па нагах, а потым яшчэ раз зьбілі ў міліцыі, пасьля затрыманьня. Таксама моцна зьбітая Крысьціна Шацікава.
Дактары хуткай дапамогі: “Вельмі шмат траўмаў”
Але былі людзі, якія папросту выпадкова трапілі пад зачысткі. Адна жанчына, якая вярталася з крамы з торбамі, убачыла, як людзей пачалі зьбіваць на праспэкце Незалежнасьці каля плошчы Перамогі. Яна пацікавілася, што здарылася, і таксама трапіла ў аўтазак. На гэты момант вядома, што ў жанчыны зламана некалькі рэбраў.
Таксама ёсьць пацярпелыя ў Савецкім РУУС. Ільля Карэтнікаў зашываў галаву ў 9-м клінічным шпіталі. Некалькі хлопцаў атрымалі чэрапна-мазгавыя траўмы, і ім таксама зашывалі раны галавы. Яраславу Грышчэню, актывісту "Маладога фронту" з Баранавіч, вывіхнулі плячо.
Мэдыкі хуткай дапамогі паведамілі, што іх увесь час выклікаюць да людзей, што знаходзяцца ў міліцыі, і яны казалі бацькам, якія стаялі каля Савецкага райаддзелу міліцыі, што ў міліцыянтаў могуць быць праблемы, але хто гэтыя праблемы зробіць міліцыянтам, яны не ўдакладнілі. Казалі, што шмат траўмаў. Бацькі абураюцца, яны пішуць скаргі, таму што іх дзяцей усё яшчэ ня выпусьцілі з пастарункаў, хаця яны маюць права затрымліваць непаўналетніх толькі 1 гадзіну. Ніводнага з затрыманых не правялі праз "журнал рэгістрацыі" – усіх трымаюць у актавых залях, куды й выклікаюць хуткую дапамогу.
У міліцыі непаўнагадовых аддзялілі ад паўнагадовых затрыманых. На іх складаюць пратаколы. Усіх абвінавачваюць ва ўдзеле ў несанкцыянаванай акцыі. ЗА РУУС знаходзіцца аўтобус са спэцназаўцамі – іх выклікаюць па 2-3 чалавекі, яны складаюць рапарты і даюць сьведчаньні. Непаўнагадовая Крысьціна Самойлава паведаміла, што на яе складалі пратакол тыя спэцназаўцы, якія яе не затрымлівалі.
