Сергей Парсюкевич: Правда сильнее и победа будет за нами

12:06, — Политика

В Комитет защиты репрессированных «Солидарность» пришло письмо от витебского предпринимателя, политзаключенного Сергея Парсюкевича.

Сяргей дзякуе ўсім, хто піша яму лісты, за маральную падтрымку. Паводле яго словаў, любая інфармацыя з волі для таго, хто знаходзіцца за кратамі, мае асаблівае значэнне, а падтрымку сяброў і сваякоў пераацаніць немагчыма.

На думку Сяргея, існуючы рэжым зараз абапіраецца толькі на жорсткія рэпрэсіі, бо ён вычарпаў усе іншыя сродкі для таго, каб працягнуць сваё існаванне. Аднак падтрымка ўладаў змяншаецца з кожным днём і хутка цярпенне людзей падыдзе да мяжы.

“Бог не павінен пакінуць нашу краіну. Праўда мацнейшая і перамога будзе за намі”, – завяршае свой ліст Сяргей Парсюкевіч.

Ён таксама просіць з лістамі да яго дасылаць пустыя капэрты.

Нагадаем, Сяргей Парсюкевіч зараз знаходзіцца ў следчым ізалятары на вул. Валадарскага па крымінальнай справе, заведзенай на яго за нібыта збіццё ахоўніка падчас адбыцця адміністрацыйнага арышту за ўдзел у акцыі прадпрымальнікаў 10 студзеня.

31 сакавіка справа была перададзена ў Маскоўскі суд Менска, але дата разгляду яшчэ не прызначаная.