Председатель Европарламента: «В Беларуси, где существует последняя диктатура в Европе, мы принимаем сторону граждан»
2
9:34, — Политика
Председатель Европарламента Ханс-Герт Поттеринг во время официального визита в Литву посетил ЕГУ, который действует в Вильнюсе как белорусский университет в изгнании.
У часе свайго выступу Х.-Г.Пётэрынг прывітаў студэнтаў ЭГУ як беларусаў і эўрапейцаў, акцэнтаваў агульныя эўрапейскія каштоўнасьці і падтрымку беларусам з боку Эўрапарлямэнту, паведамляе «Радыё Свабода».
“Годнасьць кожнага чалавека, правы чалавека, свабода, дэмакратыя, вяршэнства закону – асновы нашага эўрапейскага грамадзтва. Але мы ня маем права мець усё гэта толькі для сябе. Абавязак маральнай палітыкі ў тым, што мы мусім клапаціцца аб правах чалавека ва ўсім сьвеце.
У Беларусі, дзе існуе апошняя дыктатура ў Эўропе, мы прымаем бок грамадзянаў Беларусі. Народ Беларусі мае права на свабоднае дэмакратычнае грамадзтва. І я упэўнены, што прыйдзе час, і я спадзяюся, што гэта будзе неўзабаве, калі свабода і дэмакратыя будуць ў Беларусі. Эўрапейскі парлямэнт падтрымлівае вас. І мы падтрымліваем кожнага ў Беларусі, хто, як Аляксандр Мілінкевіч, мірна змагаецца за свабоду і дэмакратыю”, заявіў кіраўнік Эўрапарлямэнту.
Студэнты Эўрапейскага гуманітарнага ўнівэрсытэту ў часе сустрэчы задавалі пытаньні кіраўніку Эўрапарлямэнту. На пытаньне аб тым, што плянуецца зрабіць у падтрымку Беларусі, спадар Пётэрынг сказаў, што самі студэнты могуць накіроўваць у Эўрапарлямэнт свае прапановы, і парлямэнт будзе на іх рэагаваць.
Абмяркоўвалася таксама праблема коштаў на візы ў Шэнгенскую зону для грамадзянаў Беларусі. Старшыня Эўрапарлямэнту сказаў, што выступае за танныя шэнгенскія візы для моладзі і студэнтаў зь Беларусі.
“Наш унівэрсытэт мае фінансавую падтрымку ад Эўрапейскай камісіі, гэта значыць і ад Эўрапарлямэнту – Эўракамісія разам з Радай міністраў паўночных краінаў вылучылі найбольшую дапамогу ЭГУ, дзякуючы якой мы маем і стыпендыі”, – сказаў адзін са студэнтаў пасьля сустрэчы.
У сустрэчы браў удзел старшыня парлямэнту Літвы Чэславас Юршэнас, які сказаў, што “ад самага пачатку працы ЭГУ ў Літве літоўскі Сойм верыў у яго посьпех”.
“Мы ганарымся, што гэты унівэрсытэт пасьпяхова ўжо трэці год працягвае сваю дзейнасьць менавіта ў Вільні. Мы верым, што студэнты, пасьля атрыманьня гуманітарнай адукацыі, заснаванай на эўрапейскіх каштоўнасьцях, вернуцца на радзіму і застануцца сябрамі Літвы”, – сказаў Ч.Юршэнас.
