Российский нефтепровод обойдет Беларусь
14
15:41, — Экономика
Россия будет строить вторую очередь Балтийской нефтепроводной системы БТС-2 – от Унечи (Брянская область) до Усть-Луги (Ленинградская область) с ответвлением до Кириского нефтеперерабатывающего завода.
Расейскі прэм’ер-міністр Ўладзімер Пуцін заявіў, што найбольш эканамічна прывабны і экалягічна бясьпечны варыянт — пракладка трубаправода да Усць-Лугі. На Балтыцы мяркуецца збудаваць тэрмінал, а праблемаў з загрузкай БТС-2 ня будзе. Пуцін сказаў, што ўжо меў размову з прэзыдэнтам Казахстану, і казахскія калегі маюць тут зацікаўленасьць.
Паводле аналітыка расейскага агенцтва RusEnergy Міхаіла Круціхіна, намеры расейскага боку вельмі сур’ёзныя:
“Вялізныя цэны на нафту дазваляюць Расеі ажыцьцяўляць зусім не эканамічныя, а наскрозь палітызаваныя праекты. Гэты трубаправод, які паварочвае ад мяжы Беларусі і вяртаецца фактычна назад, заходзячы да берагоў Балтыкі. Паводле схемаў, якія я маю, у Беларусь будзе пастаўляцца ад 18 да 20 мільёнаў тон нафты ў год па старых трубах, каб забясьпечыць два беларускія нафтаперапрацоўчыя заводы, дзе ёсьць і інтарэсы расейскіх кампаній. На гэтым кропка. Усё астатняе будзе перакрыта”.
Спадар Круціхін нагадаў, што пастаўкі нафты ў краіны Балтыі праз “Дружбу” ўжо спыненыя.
Ідэя будаўніцтва БТС-2, альтэрнатывы “Дружбе”, узьнікла падчас беларуска-расейскага нафтавага канфлікту на пачатку мінулага году. Тады Беларусь на некалькі дзён перакрыла транзыт расейскай нафты праз “Дружбу” ў Эўропу.
Камэнтуючы днямі магчымае далучэньне Эўразьвязу да амэрыканскіх санкцыяў, кіраўнік Беларусі Аляксандар Лукашэнка ў інтэрвію Reuters параіў Эўропе не забывацца, што празь Беларусь ідзе палова нафты, палова нафтапрадуктаў і 30% газу. Паводле Лукашэнкі, сваімі дзеяньнямі адносна Беларусі Захад спрабуе разбурыць мост, па якім цякуць нафтавая і газавая плыні.
Адносна праекту БТС-2, кіраўнік цэнтру “Стратэгія” Леанід Заіка ў інтэрв’ю “Радыё Свабода” сказаў:
“Трэба забыцца пра ўсе размовы, што мы транзытная краіна, што ў нас зручнае геаграфічнае становішча, што мы мост. Мы — ня мост, мы проста пад мостам сядзім. Беларусі трэба пазбаўляцца ад сындрому заробку грошай за кошт перапампоўваньня расейскай нафты ці газу і займацца сваёй інавацыйнай эканомікай. Цікава, што Пуцін увогуле не абмяркоўвае праблемы Беларусі. Расейскае кіраўніцтва ў гэтым выпадку Беларусь не цікавіць. Гэта паказчык рэальнага стаўленьня да кіраўніцтва Беларусі”.
Будаўніцтва БТС-2 лабіруюць як новы кіраўнік кампаніі “Транснефть”, так і прэм’ер Пуцін.
Паводле кіраўніка цэнтру Мізэса Яраслава Раманчука, Расея дэманструе, што без палітычных саступак ня будзе датаваць беларускую эканоміку пасьля 2011 году. І гэта сьведчыць пра пераход на больш жорсткія ўмовы. Таму ўжо ў 2009 годзе Беларусь можа мець цану на газ 200 даляраў і іншыя, чым цяпер, умовы па нафце.
“Калі страціць плату за транзыт за 80—100 мільёнаў тон — гэта такі будзе балючы ўдар па нашай эканоміцы, па геапалітычным становішчы. Калі ўлічыць, што фірмы, якія экспартуюць нафту з Расеі — гэта фірмы, якія кантралююцца сябрамі Пуціна, якія таксама ня могуць дамовіцца зь Беларусьсю, то гэта пазыцыя вельмі сур’ёзная. Усе тыя абяцанкі-цацанкі, якія раздаваў Лукашэнка, павінны матэрыялізавацца. Альбо ён саступіць Захаду — і ў нас будзе дэмакратычная краіна, альбо ён саступіць Расеі — і зьявіцца пагроза нашай незалежнасьці”, -- паведаміў Раманчук у інтэрв’ю “Радыё Свабода”.
Написать комментарий (14)
Новости
по теме
- Лукашенко пригрозил Евросоюзу перекрыть транзит российской нефти и газа
- Присоединится ли Беларусь к альтернативным энергетическим проектам?
- ОНТ: Угроза экологических катастроф исходит от российских трубопроводов
- Беларусь потребует от РФ возместить ущерб от аварии на нефтепроводе
Закладки
