28 марта 2024, четверг, 21:33
Поддержите
сайт
Сим сим,
Хартия 97!
Рубрики

У Менску прайшла сустрэча зь Янкам Запруднікам

Янку Запрудніку (Сяргею Вільчыцкаму) у жніўні спаўняецца 90 гадоў.

Ён гісторык і публіцыст, адзін з асноўных дзеячоў беларускай дыяспары ў ЗША, ганаровы сябар беларускага ПЭН-цэнтру. Да ягонага юбілею ў сэрыі «Бібліятэка «Бацькаўшчыны» выйшла кніга «Кантакты», заснаваная на лістах, што пісалі беларусы Янку Запрудніку. Укладальнікамі кнігі сталі вядомыя дасьледчыкі эміграцыі Натальля Гардзіенка і Лявон Юрэвіч, паведамляе «Радыё Свабода».

28 чэрвеня Янка Запруднік у Менскай абласной бібліятэцы прэзэнтаваў кнігу чытачам.

«Перапоўненая заля часам дзьвюх гадзін слухала і аўтара, і выступоўцаў з ліку выбітных асобаў краіны і тых, хто пажадаў выказацца з нагоды сустрэчы. Творчая пладавітасьць, нязгасная любоў да Бацькаўшчыны, грамадзка-палітычная актыўнасьць ды асабліва захаваная за 73 гады эміграцыі чысьцюткая родная мова вабяць заўсёды да сябе яго аўдыторыю. А зухаваты спартовы выгляд, рухавасьць, пачуцьцё гумару наогул здымаюць з яго календару год 35», — падзяліўся ўражаньнямі ад сустрэчы на сваёй старонцы ў Фэйсбуку адзін з заснавальнікаў Беларускага згуртаваньня вайскоўцаў, маёр у адстаўцы Алесь Станкевіч.

Шмат шчырых слоў і цёплых пажаданняў сказалі шаноўнаму госцю Адам Мальдзіс, Уладзімір Арлоў, Леанід Лыч, Радзім Гарэцкі, Станіслаў Шушкевіч, Алег Трусаў, Валерый Санько, Алег Бембель, Ганна Запартыка і іншыя, паведамляе Новы час.

Янка Запруднік перадаў падзяку старшыні ЗБС «Бацькаўшчына» ад Беларускага інстытута навукі і мастацтва, што месціцца ў Нью-Ёрку.

«Беларуская нацыя — кніжная нацыя. ЗБС “Бацькаўшчына” — той цэнтральны нерв, які дасылае сігналы і прымае сігналы ад беларусаў, раскіданых па ўсім свеце», — адзначыў Янка Запруднік, а таксама выказаў падзяку укладальнікам кнігі Наталлі Гардзіенка і Лявону Юрэвічу.

Пасля заканчэння імпрэзы па аўтографы да Янкі Запрудніка выстраілася вялізная чарга.

Написать комментарий

Также следите за аккаунтами Charter97.org в социальных сетях