«Вясну» абараняюць шведы :: Хартия'97 :: Новости

У абарону “Праваабарончага Цэнтру “Вясна” выступіла адна з найстарэйшых шведскіх арганізацый, лаўрэат двух Нобелеўскіх прэмій міру, Svenska Freds.

Стакгольм, 20 кастрычніка 2003

Міністру Юстыцыі Рэспублікі Беларусь
Рэспубліка Беларусь
Вул. Калектарная, 10

Паважаны міністр,

Мы хацелі б выказаць глыбокую занепакоенасьць адносна зыску супраць Грамадскага аб’яднаньня “Праваабарончы Цэнтр “Вясна”.

За апошнія гады было праведзена некалькі праверак “Праваабарончага Цэнтра “Вясна” й не было знойдзена ніякіх парушэньняў. Са жніўня 2001 году ім не было атрымана ніводнага папярэджаньня. Таму няма й ня можа быць сумневу, што працэс ліквідацыі “Вясны” палітычна матываваны й зьяўляецца адной з частак шырокамасштабнай кампаніі супраць недзяржаўных арганізацый у Беларусі.

“Правабарончы Цэнтр “Вясна” – адна з найважнейшых і найбольш уплывовых праваабарончых арганізацый у Беларусі. Ліквідацыя “Вясны” па палітычных прычынах была б вялікай памылкай з доўгатэрміновымі наступствамі, паколькі як грамадскі сектар у цэлым, так і праваабарончыя арганізацыі ў прыватнасьці ёсьць і заўжды будуць неабходным складнікам любой добраўладкаванай краіны.

У сувязі з гэтым Шведская Арганізацыя за Мір і Арбітраж пераканаўча заклікае вас адклікаць зыск супраць “Праваабарончага Цэнтра “Вясна”.

Шчыра вашая,

Фрыда Блом,
Прэзідэнт Шведскай Арганізацыі за Мір і Арбітраж