Оппозиция в Борисове обвиняет власти в использовании административного ресурса :: Хартия'97 :: Новости

Во время предвыборной кампании в Борисове сложилась конфликтная ситуация. Оппозиционные деятели обвиняют местные власти в давлении на избирателей и избирательные комиссии, использовании административного ресурса и досрочной агитации за руководителя ФПБ Леонида Козика, сообщает «Радыё Свабода».

За дзеяньнямі ўладаў Барысава найбольш пільна сочыць адзін з патэнцыйных кандыдатаў ад АГП Віктар Гарбачоў. Ён кажа, што кіраўніцтва горада правяло некалькі нарадаў па арганізацыі выбараў, на якіх пастаўленая задача дасягнуць патрэбнага ўладам выніку ўжо ў першым туры галасаваньня. На адной з іх прысутнічаў намесьнік кіраўніка прэзыдэнцкай адміністрацыі Алег Праляскоўскі, які і даваў рэкамэндацыі як правесьці выбарчую кампанію ды не выключаў адначасовага правядзеньня рэфэрэндуму.

Гаворыць Віктар Гарбачоў з Барысава:

-- Праходзіла сакрэтная нарада, і на заводах адміністрацыі пачынаюць шукаць магчымасьці, як зрабіць так, каб выбары прайшлі датэрмінова ад 30 да 50 адсоткаў на прадпрыемствах, інтэрнатах, вучылішчах. Такая задача пастаўленая, асабліва ідзе такая падрыхтоўка ў вайсковых частках.

Віктар Гарбачоў пры гэтым спасылаецца на сябраў сваёй каманды, якія былі пад час адной з такіх нарадаў з удзелам старшыні гарвыканкама Васіля Бургуна. Акрамя таго, спадар Гарбачоў крыўдзіцца на тое, што ягоны патэнцыйны супернік, старшыня ФПБ Леанід Козік, пачаў заўчасную агітацыйную кампанію. Спадар Гарбачоў кажа, што рыхтуе на гэты конт скаргу ў ЦВК і акруговую камісію і перадасьць туды відэакасэты з запісамі выступаў Леаніда Козіка.

Гэтую інфармацыю пацьвярджае і іншы барысаўскі актывіст Леў Марголін:

-- А зараз тут у нас некалькі дзён быў Леанід Козік. Ён у нас балятуецца па 78 выбарчай акрузе. Дык ён праводзіў прэсавую канфэрэнцыю, выступаў па мясцовым тэлебачаньні, па прадпрыемствах езьдзіў, расказваў пра тое, які ён добры, якія ў яго пляны вялікія, што ён тут зробіць, калі стане дэпутатам. Такім чынам, заўчасная агітацыя поўным ходам ідзе. Белоруссия