Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Затрыманнямі скончылася святкаванне Дня ведаў навучэнцамі Беларускага Дзяржаўнага Ліцэя імя Якуба Коласа. Каля 150 чалавек выйшлі сёння ў 16.00 на Кастрычніцкую плошчу Менска каб адзначыць Дзень ведаў і выказаць пратэст закрыццю Беларускага ліцэя. Разам з ліцэістамі і выкладчыкамі на плошчу прыйшлі актывісты іншых арганізацый і простыя людзі.
Затрыманні пачаліся яшчэ перад акцыяй. На падыходзе да плошчы быў затрыманы людзьмі ў цывільным адзін з каардынатараў руху “Зубр” Яўген Афнагель. На групу ліцэістаў наляцелі каля дзесяці людзей у цывільным. Яны вырвалі з рук юнакоў плакаты, а таксама схапілі навучэнца ліцэя Франака Вячорку і занеслі яго ў аўтобус. Тыя ж людзі затрымалі юрыста праваабарончага цэнтра “Вясна” Валянціна Стэфановіча і выкладчыка ліцэя, Лявона Баршчэўскага.
Пасля гэтага навучэнцы ліцэя селі на зямлю і заспявалі куплет з песні НРМ “Окей, тут усё, окей, толькі дыхаць мне з кожным днём цяжэй.” Прыкладна праз дзесяць хвілін яны накіраваліся па праспекце Скарыны да парка імя Янкі Купалы, дзе ўсклалі кветкі да помніка пісьменніка.
На дадзены момант затрыманыя знаходзяцца ў Цэнтральным РУУС Менска. Белоруссия
, информер
