Куда девался конфискованный у магазина «Спорт-Мастер» горнолыжный инвентарь? :: Хартия'97 :: Новости

Конфискованный в минском магазине горнолыжный инвентарь мог попасть в спорткомплекс “Силичи”, деятельность которого патронирует Александр Лукашенко. Распределением инвентаря из магазина занималась не комиссия по конфискату Первомайского района Минска, а Департамент гуманитарной помощи при президенте. Какова судьба конфискованного товара?

Прыватныя юрысты, якія працуюць з камэрцыйнымі структурамі, паведамілі “Радыё Свабода”, што ў іх рукі трапілі незвычайныя дакумэнты. Яны сьведчаць, што рэспубліканскі гарналыжны курорт “Сілічы”, які пры канцы студзеня адкрываў Аляксандар Лукашэнка, укамплектаваны спартовым абсталяваньнем, сканфіскаваным у прыватных фірмаў.

Сапраўды, незадоўга да адкрыцьця гарналыжнага комплексу “Сілічы” на рашэньне суду была сканфіскаваная ў даход дзяржавы вялікая партыя гарналыжнага інвэнтару ў менскай краме “Спорт-Мастер”. Ад таго часу пра лёс тавару ў краме нічога ня ведаюць.

Прадстаўніца Дзяржаўнага мытнага камітэту Алена Халікава пацьвердзіла: інвэнтар сапраўды быў сканфіскаваны ў зьвязку з парушэньнямі правілаў мытнага ўвозу.

У судзе Першамайскага раёну сталіцы, дзе вырашалі, куды накіраваць сканфіскаваную партыю спартовага абсталяваньня, так пракамэнтавалі магчымасьць “міграцыі” тавару:

“Суд прымае рашэньне, а выконвае яго камісія па канфіскаце, якая існуе пры адміністрацыі кожнага раёну і якая павінна справядліва і ўважліва падыходзіць да гэтых рэчаў”.

Паказальна, што ў дадзеным выпадку лёс сканфіскаванага інвэнтару вырашала не камісія Першамайскага раёну. Адразу справа была перададзеная ў гарадзкую камісію па канфіскаце, а потым пераразьмеркаваньне маёмасьці адышло ў кампэтэнцыю Дэпартамэнту гуманітарнай дапамогі пры прэзыдэнце.

Зрэшты, наведнікаў курорту “Сілічы” паходжаньне інвэнтару, магчыма, турбуе ў апошнюю чаргу. Турыстычны мэнэджэр Васіль Грынь у любым выпадку вітае ўзьнікненьне падобных асяродкаў для аматараў гарналыжнага спорту, аднак канстатуе: пакуль што гэта забава для багатых.

"Іх і болей можна было б рабіць, але пры ўмове, што будзе канкурэнцыя, што гэта ня будзе толькі элітным задавальненьнем, калі два кошты дзяруць за пад’ёмнікі. Трэба, каб гэты адпачынак быў больш даступны для шараговых грамадзянаў. Цяпер хіба толькі тыя, хто маюць вялікія грошы, пад Лагойскам могуць заплаціць за аўстрыйскае абсталяваньне накшталт “Допэльмаер”", -- паведаміў Васіль Грынь “Радыё Свабода”.
Минск, Белоруссия