В Сейме Польши создана группа солидарности с Беларусью :: Хартия'97 :: Новости

В польском Сейме создана «Депутатская группа солидарности с Беларусью». Ее члены – а это депутаты и руководящей партии, и оппозиции – намерены активизировать работу польского парламента и парламентов соседних демократических стран по оказанию давления на белорусские власти и для улучшения ситуации с правами человека в Беларуси, сообщает «Радыё Свабода».

Дэпутатская група на карысьць салідарнасьці зь Беларусьсю паўстала з ініцыятывы дэпутатаў буйнейшай апазыцыйнай фракцыі “Грамадзянская плятформа” і дэпутатаў ад кіруючай партыі “Закон і справядлівасьць”.

“Мы бачым чатыры сфэры парлямэнцкай дзейнасьці, якія мы маглі б актывізаваць. Па-першае, гэта прыняцьцё ўсемагчымых рэзалюцыяў у справе парушэньняў правоў чалавека ў Беларусі. Падаецца, што цяпер у гэтай справе больш актыўны эўрапейскі парлямэнт, а ня польскі – гэта трэба зьмяніць. Мы павінны заняць цьвёрдую пазыцыю і ціснуць на рэжым Лукашэнкі. Па-другое, мы хочам зьвярнуць увагу парлямэнтаў суседніх дэмакратычных краінаў – Літвы, Латвіі, Украіны - на тое, што адбываецца ў Беларусі, каб мы разам на міжнароднай арэне маглі выступаць у гэтай справе.

Па-трэцяе, трэба націскаць на ўрад, каб Польшча больш актыўна падтрымлівала дэмакратычныя сілы ў Беларусі, адстойвала правы нашай нацыянальнай меншасьці. І, нарэшце, супрацоўніцтва зь недзяржаўнымі арганізацыямі”, -- заявіў “Радыё Свабода” адзін з галоўных ініцыятараў яе стварэньня, дэпутат зь Беласточчыны Робэрт Тышкевіч.

Спадар Тышкевіч спадзяецца, што да новай парлямэнцкай групы далучацца дэпутаты ад усіх палітычных сілаў, прадстаўленых у цяперашнім польскім парлямэнце.

“На карысьць гэтага сьведчыць перадусім тое, што так шмат дэпутатаў былі ў залі паседжаньняў парлямэнту ў часе ўчорашняга выступу Аляксандра Мілінкевіча, тое, як яго віталі. Яшчэ зьвярту ўвагу, што група на карысьць салідарнасьці зь Беларусьсю паўстала з ініцыятывы апазыцыйнай і кіруючай партыяў. Як бы горача мы не спрачаліся ў парлямэнце што да нашых унутрыпольскіх справаў, дык калі гаворка ідзе пра Беларусь, мы разам”, -- сказаў Тышкевіч.