Варшава: пикет возле белорусского посольства стоит шестой день (фото) :: Хартия'97 :: Новости

Уже шесть дней возле белорусского посольства в Варшаве стоит пикет-информационный пункт, в котором круглые сутки находятся белорусы и поляки – сторонники демократических перемен в Беларуси. За это время о пикете с бело-красно-белыми флагами узнала вся Польша, он стал также одной из причин вызова польского дипломата в Беларусь в белорусский МИД, сообщает “Радыё Свабода”.

Надвор’е ў Польшчы цягам апошніх некалькіх дзён добрым назваць нельга – холад зьмяняецца
мокрым сьнегам, аднак тых, хто знаходзіцца ў намёце каля беларускай амбасады ў Варшаве гэта не палохае. Антось Цялежнікаў - старшыня Зьвязу на карысьць дэмакратыі ў Беларусі – ініцыятара акцыі – кажа, што прыхільнікі незалежных кандыдатаў, якіх масава арыштоўваюць у Беларусі, знаходзяцца ў значна горшых умовах. Размаўляем у намёце.

“Мы добра сябе адчуваем, бо знаходзімся тут у слушнай справе. Дадае сілаў тое, што адбываецца ў Беларусі, бо тым, хто цяпер на Акрэсьціна ці ў іншых вязьніцах у рэгіёнах,напэўна цяжэй. Гэта праява нашай салідарнасьці”, -- сказаў Цялежнікаў.

“Ці цікавяцца вашым намётам, падыходзіць хто?

“Так, цікавяцца і ня толькі беларусы, якія пытаюцца калі галасаваць – 19-га або цяпер, але і палякі прыходзяць каб падтрымаць. Гарбату гарачую прыносяць, як звычайныя людзі, так і знакамітасьці. Гэта сапраўдная салідарнасьць, якой цяпер патрабуе Беларусь”.

“А якая рэакцыя супрацоўнікаў амбасады, ці яна ўвогуле ёсьць?

“Рэакцыя ёсьць не наўпрост да нас, а да афіцыйных польскіх прадстаўнікоў. Гэта сьведчыць аб тым, што яны не адчуваюць сябе бясьпечна. І гэта, бадай, самае лепшае, што мы можам тут зрабіць сваёй прысутнасьцю”.

Напрыканцы нашай размовы ў намёт завітала маладая Варшавянка – Караліна, якая, адпрасіўшыся з працы, прынесла хлопцам ежу.

“Мне неабыякавы лёс Беларусі. Хачу, каб гэтая краіна нарэшце стала сапраўды незалежнай і дэмакратычнай, таму падтрымліваю хлопцаў”, -- сказала Караліна.

Актывісты Зьвязу на карысьць дэмакратыі ў Беларусі кажуць, што на пачатку плянавалі застацца ў намёце да 19 сакавіка, але, магчыма, працягнуць тэрмін свайго знаходжаньня каля амбасады, у залежнасьці ад падзеяў у Беларусі.