Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Стэфан Эрыксан: «Уражаньне ад беларускага суду вельмі жахлівае» 18:55, 27/04/2006
Кіраўнік менскага аддзяленьня амбасады Швэцыі Стэфан Эрыксан прысутнічаў сёньня на судзе над лідэрамі беларускай апазыцыі. Яго ўразіла, як пасьля абвяшчэньня прысуду Аляксандра Мілінкевіча завялі ў пакой, дзе ўжо знаходзіўся Аляксандар Бухвостаў. Там апазыцыянэраў трымалі, пакуль не прывялі Сяргея Калякіна. Спэцназаўцы вырашылі ня даць журналістам зрабіць здымкі палітыкаў, калі тых павядуць у машыну. Дзеля гэтага міліцэйскі варанок падагналі з двара да цэнтральнага ўваходу. Як толькі там апэратары ўсталявалі камэры, да чорнага ўваходу пад’ехаў аўтобус і туды хутка павялі арыштаваных.
Дыплямат Стэфан Эрыксан падзяліўся сваімі ўражаньнямі з “Радыё Свабода”:
“Уражаньне ад беларускага суду вельмі жахлівае. Выглядае гэта вельмі дзіўна. Шмат каму не дазволілі прысутнічаць на судзе. Тое, што адбылося потым, вельмі красамоўна. Журналісты ды іншыя людзі чакалі, калі выйдуць Мілінкевіч, Калякін і Бухвостаў. Але пачаліся нейкія манэўры, гульні. Калі суд лічыць, што ёсьць падставы судзіць Мілінкевіча, то трэба рабіць гэта адкрыта і не хаваць, як гэта было сёньня”.
, 