Запрещена программа Олега Хоменко «Тузін гітоў на «Радыё Мінск» :: Хартия'97 :: Новости

Руководство FM-станцыі “Радыё Мінск” запретило музыкальную программу «Тузін гітоў на «Радыё Мінск». Автором и ведущим этой программы был лидер группы «Палац» Олег Хоменко. Программа выходила в эфир в 23 часа каждую пятницу c мая прошлого года. «Тузін гітоў» готовился по голосованию на одноименном интернет-сайте и был среди самых рейтинговый программ в FM-эфире, сообщает «Радыё Свабода».

Афіцыйнай падставай закрыцьця кіраўніцтва “Радыё Мінск” называе неадпаведнасьць беларускага гіт-параду з плянам далейшага разьвіцьця радыёстанцыі. Аднак аўтар перакананы, што закрыцьцё папулярнай праграмы мае палітычную матывацыю.

“Адбылася сустрэча з адным з намесьнікаў дырэктара “Радыё Мінск”, які паведаміў, што мая праграма “Тузін гітоў” зачынена — у яе, маўляў, нізкі мастацкі ўзровень. Я прыгадаў, што праграма неаднойчы прызнавалася самай рэйтынгавай і высокамастацкай. Тады праз пару гадзін фармулёўка зьмянілася: праграма “не адпавядае пэрспэктыўным плянам разьвіцьця станцыі”. Насамрэч, як мне паведамілі сябры, кіраўніцтва пачула так званыя чарнавікі праграмы. У апошніх зь іх гучалі новыя песьні “N.R.M.” ды іншых гуртоў, якія паўсталі на тле падзеяў у Менску й Беларусі”, -- распавёў Хаменка.

Намесьнік дырэктара “Радыё Мінск” Андрэй Анісімаў пракамэнтаваць закрыцьцё “Тузіна гітоў” адмовіўся.

Паводле спадара Хаменкі, “Тузін гітоў” з эфіру ня зьнікне. Неўзабаве праграма зьявіцца ў раскладзе адной з замежных радыёстанцыяў для Беларусі.

Раней была забаронена яшчэ адна праграма Алега Хаменкі “Настаўніцкая”, якая выходзіла на тэлеканале “Лад”. Таксама пад забарону трапілі некалькі канцэртаў гурту “Палац”, а ўвесь калектыў у поўным складзе звольнілі з працы ў "Белканцэрце". Негалосны ціск на шэраг папулярных беларускіх рок-гуртоў, у тым ліку “N.R.M.”, і "Нэйра дзюбэль" распачаўся пасьля іхнага ўдзелу ў адным з апазыцыйных мітынгаў на плошчы Бангалор.