Президент Эстонии: Что делает Россия в «Большой восьмерке»? :: Хартия'97 :: Новости

Многие участники конференции «Демократия и безопасность», которая проходила в чешской столице, резко критиковали политику России. Одним из наиболее жестких было выступление президента Эстонии Тоомаса Хенрика Илвеса.

Як паведамляе “Радыё Свабода”, прэзыдэнт Эстоніі адрэагаваў на пагрозу прэзыдэнта Расеі перанакіраваць расейскія ракеты на эўрапейскія краіны. Гэтая пагроза прагучала ў інтэрвію эўрапейскім мэдыям напярэдадні саміту «васьмёркі».

«Калі дэмакратыі сапраўды не ваююць адна з адной, дык што ж краіна, якая пагражае нацэліць свае ядзерныя ракеты на Эўропу, робіць у «васьмёрцы», клюбе індустрыяльных дэмакратый?», — пытаецца эстонскі прэзыдэнт.

Тоомас Хэнрык Ільвэс прыгадаў нядаўні канфлікт паміж Эстоніяй і Расеяй, у прыватнасьці, хакерскую атаку на сайты дзяржаўных установаў Эстоніі, атаку, якая паводле меркаваньня эстонскіх уладаў, сыходзіла ад расейскіх дзяржаўных установаў:

«Брак дэмакратыі пачынае пагражаць нашай бясьпецы. Нядаўна быў нанесены ўдар па нашай бясьпецы, на нас была зроблена кібэратака за тое, што мы не падабаемся».

На думку прэзыдэнта Эстоніі, прыём Расеі ў шматлікія міжнародныя арганізацыі, у тым ліку і ў «васьмёрку», не выклікае пазытыўнай рэакцыі Масквы ў адказ:

«Якой мэты мы дасягаем, калі няма ніякага станоўчага эфэкту ад сяброўства Расеі ў міжнародных арганізацыях? Наадварот, на мой погляд гэтае сяброўства зьяўляецца адно формай легітымізацыі рэжыму, чыя легітымнасьць, як і ступень дэмакратычнасьці, робіцца ўсё больш сумнеўнай».

Прыгадаўшы і атручваньне ў Лёндане Аляксандра Літвіненкі, і энэргетычны ціск Масквы, Тоомас Хэнрык Ільвэс зь іроніяй паставіўся да тых, хто заклікае шукаць згоду з Расеяй нягледзячы ні на што:

«Эўрапейскія грамадзяне былі атручаныя, на эўрапейскія краіны быў зроблены інтэрнэт-напад, пастаўкі энэргарэсурсаў ім былі спыненыя, іх шантажуюць і падкупляюць, ім пагражаюць перанацэльваньнем ракетаў, а мы кажам: »Не, мы ня можам ізаляваць Расею...»