Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сёння ў парку Чалюскінцаў адбыўся адзінаццаты турнір па міні-футболе «Кубак Свабоды памяці Карпенкі». У гульне ўдзельнічалі каманды Партыі БНФ, АГП, ПКБ, журналістаў. Упершыню гуляла каманда Дзяржынскага раёну «45+», усе гульцы якой мелі ўзрост старэйшы за 45 год
Турнір праходзіў пад наглядам некалькіх чалавек з Першамайскага РУУС на чале з намеснікам начальніка ўпраўлення. Апошні з цікаўнасцю назіраў за гульнямі да самага заканчэння турніра, распытваў пра каманды, сачыў за лікам і часам вяртаў мяч, калі ён вылятаў за межы поля.
Арганізатарамі былі падрыхтаваныя кубкі за першыя тры месцы. Беларуская асацыяцыя журналістаў з ініцыятывы старшыні аб`яднання Жаны Ліцвіной падрыхтавала асобны кубак «За сумленную гульню».
Першае месца па выніках турніра адваявала Партыя БНФ. Аднолькавую колькасць ачкоў атрымалі журналісты і «45+». Яны адпаведна занялі 2-е і 3-я месца. Лепшым брамнікам прызны Раман Казкі, лепшым бамбардзірам быў Павал Дзядзюля, які забіў чатыры галы. Прыз «За сумленную гульню» атрымала каманда АГП. Крыштальны Кубак Свабоды атрымалі на захаванне да наступнага сезону сябры каманды-пераможцы.
, информер
