Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пікет салідарнасьці прайшоў у Варшаве (Фота) 23:17, 16/08/2007
Сёньня ў Варшаве адбыўся пікет з нагоды дня салідарнасьці зь сем’ямі зьніклых беларускіх палітыкаў і палітвязьняў. Каля дзясятка беларусаў, які жывуць у польскай сталіцы, сабраліся ў самым цэнтры Варшавы, каля прэзыдэнцкага палацу і помніка Адаму Міцкевічу з нацыянальнымі сьцягамі, партрэтамі зьніклых палітыкаў і плякатамі з надпісамі “Свабоду палітвязьням”, “Дыктатара ў турму”.
Адзін з удзельнікаў пікету Адольф Капелька сказаў «Радыё Свабода»:
“Мы заўсёды памятаем пра тых, хто зьнік, хто знаходзіцца ў турмах цяпер і асабліва ў гэты дзень салідарызуемся зь імі. 16-га кожнага месяца мы выходзім на пікет. Цяпер каля помніка паэту, ён жа пісаў пра свабоду беларускага і польскага народаў”.
, 