Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мартынаў будзе размаўляць аб правах чалавека... ў Іране 19:43, 03/09/2007
3 верасьня ў Тэгеране (Іран) распачынаецца сустрэча міністраў замежных спраў дзяржаваў-удзельніц Руху недалучэньня. Спатканьне прысьвечанае пытаньням правоў чалавека й культурнай разнастайнасьці. У сустрэчы бярэ ўдзел і старшыня зьнешнепалітычнага ведамства Беларусі Сяргей Мартынаў.
Як паведаміла прэс-служба МЗС Беларусі, галоўнай мэтай канфэрэнцыі ў Тэгеране будзе разьвіцьцё дамоўленасьцяў у гуманітанай галіне, якія былі дасягнутыя на саміце Руху недалучэньня ў Гаване ў 2006 годзе. Беларуская дэлегацыя мае намер зьвярнуць асаблівую ўвагу ўдзельнікаў сустрэчы на ініцыятыву Аляксандра Лукашэнкі аб прызнаньні разнастайнасьці шляхоў прагрэсіўнага разьвіцьця краін.
“Гэта палітычная сымуляцыя. Пытаньне правоў чалавека амаль не паўстае ў мусульманскім сьвеце. Для сёньняшняга беларускага рэжыму яно цалкам чужароднае. Існуе сусьветная тэндэнцыя ў цывілізаваных краінах з павагай ставіцца да правоў чалавека. Так званыя краіны-ізгоі імкнуцца сымуляваць гэтае пытаньне. Яны яго ўздымаюць для таго, каб давесьці да абсурду сытуацыю й абвінаваціць цывілізаваныя краіны ў парушэньні правоў чалавека”, -- пракаментаваў падзею “Польскаму радыё” палітолаг Уладзімер Мацкевіч.
, 